Sangram Thopte : काँग्रेसला मोठा दणका, संग्राम थोपटे भाजपात जाणार, २२ एप्रिलला प्रवेश निश्चित

विशेष प्रतिनिधी

पुणे: पुणे जिल्ह्यात काँग्रेससाठी मोठी खळबळजनक बातमी समोर आली आहे. काँग्रेसचे ज्येष्ठ नेते आणि माजी मंत्री अनंतराव थोपटे यांचे पुत्र, तसेच भोर विधानसभा मतदारसंघाचे तीन वेळा आमदार राहिलेले संग्राम थोपटे (Sangram Thopte) यांनी काँग्रेस पक्ष सोडण्याचा निर्णय घेतला असून, येत्या २२ एप्रिल रोजी भाजपात प्रवेश करणार असल्याचे समजते.

सूत्रांनी दिलेल्या माहितीनुसार, संग्राम थोपटे यांनी यासंदर्भात नुकतीच केंद्रीय गृहमंत्री अमित शहा यांच्याशी दिल्लीमध्ये गोपनीय बैठक घेतली असून, भाजप प्रवेशाची तारीख व ठिकाण निश्चित करण्यात आले आहे. हा प्रवेश सोहळा मुंबईत भाजपाच्या वरिष्ठ नेत्यांच्या उपस्थितीत होणार असल्याची माहिती आहे.

Eknath Shinde : खुर्ची बदलली असली तरी विकासाचे विमान आणि इंजिनही तेच , एकनाथ शिंदे यांचे प्रतिपादन

थोपटे कुटुंबीय हे पुणे जिल्ह्यातील एक पारंपरिक काँग्रेस घराणे मानले जाते. संग्राम थोपटे यांचे वडील अनंतराव थोपटे हे सहा वेळा आमदार, तर संग्राम थोपटे स्वतः तीन वेळा भोरचे आमदार राहिले आहेत. त्यांच्या भागात भोर, वेल्हा, मुळशी ही काँग्रेसची पारंपरिक मते मानली जात होती. मात्र गेल्या विधानसभा निवडणुकीत राष्ट्रवादी काँग्रेसच्या उमेदवाराकडून संग्राम थोपटेंचा अचानक आणि मोठा पराभव झाला होता.

या पराभवानंतर काँग्रेसमध्ये दुय्यम वागणूक मिळत असल्याची नाराजी त्यांनी काही कार्यकर्त्यांच्या बैठकीत व्यक्त केल्याचे बोलले जाते.

थोपटे यांच्या भाजप प्रवेशाच्या पार्श्वभूमीवर काँग्रेस पुणे जिल्हाध्यक्षांनी तातडीची बैठक बोलावली आहे. काँग्रेसला हा फटका फक्त भोर मतदारसंघापुरता मर्यादित राहणार नाही, तर संपूर्ण बारामती लोकसभा मतदारसंघातील समीकरणे बदलू शकतात.

विशेष म्हणजे, सुप्रिया सुळे यांच्या विजयामध्ये थोपटे यांची भूमिका महत्त्वाची राहिलेली आहे. मात्र आता त्यांची भूमिका भाजपसाठी कशी असेल याकडे सर्वांचे लक्ष लागले आहे.

राजकीय वर्तुळात हेही स्पष्ट आहे की, शरद पवार आणि अनंतराव थोपटे यांच्यातील वैयक्तिक व राजकीय मतभेद जुने आहेत. त्यामुळे संग्राम थोपटे यांनी भाजपचा पर्याय निवडणं ही केवळ काँग्रेसविरोधातली चळवळ नसून, राष्ट्रवादी विरोधातही अप्रत्यक्षपणे आहे, अशी चर्चा रंगू लागली आहे.

Big blow to Congress, Sangram Thopte will join BJP, entry confirmed on April 22

महत्वाच्या बातम्या

Sangram Thopte : काँग्रेसला मोठा दणका, संग्राम थोपटे भाजपात जाणार, २२ एप्रिलला प्रवेश निश्चित