YouTube Facebook Instagram Twitter
BakharLive Logo

Dada Bhuse : राज्यातील शिक्षकांना गणवेश अनिवार्य होणार; दादा भुसे यांची घोषणा

by Bakhar Live | April 20, 2025 | 7:30 am
Dada Bhuse

विशेष प्रतिनिधी

मालेगाव : Dada Bhuse राज्यातील सर्व शालेय शिक्षकांसाठी लवकरच गणवेश अनिवार्य करण्यात येणार असून त्यासाठी शासनाकडून निधीही उपलब्ध करून दिला जाईल, अशी माहिती शालेय शिक्षणमंत्री दादा भुसे यांनी दिली आहे. मालेगाव तालुक्यातील अजंग येथील जिल्हा परिषद शाळेला दिलेल्या भेटीनंतर माध्यमांशी बोलताना त्यांनी हे सूतोवाच केले.Dada Bhuse

गणवेशाबाबत बोलताना भुसे म्हणाले, “राज्यातील काही शाळांमध्ये शिक्षकांसाठी आधीपासून ड्रेसकोड आहे, तर काही ठिकाणी नाही. त्यामुळे सर्व शाळांमध्ये शिक्षकांनी एकसंध आणि शिस्तबद्ध स्वरूपात दिसावे यासाठी शिक्षक गणवेश अनिवार्य करण्याचा निर्णय घेण्यात येणार आहे.”

विशेष म्हणजे, अजंग शाळेतील शिक्षकांनी कार्यक्रमादरम्यान गणवेश घातला होता. याबद्दल भुसे यांनी शाळेचे व व्यवस्थापनाचे कौतुक करत म्हटले, “ही प्रेरणादायी बाब आहे, राज्यातील इतर शाळांनी याचा आदर्श घ्यावा.”

या कार्यक्रमात ओएनजीसी व अवंत फाउंडेशनच्या CSR उपक्रमांतर्गत विद्यार्थ्यांना शैक्षणिक डेस्क व शाळेच्या बॅगचे वाटप करण्यात आले. यावेळी भुसे यांनी शाळांच्या सर्वांगीण विकासावर भर देत सांगितले की, “विद्यार्थ्यांनी नियमित शाळेत उपस्थित राहावे, पालकांनी मुलांशी संवाद साधावा आणि शाळांनी सहली, उपक्रम यांचा अवलंब करावा, जेणेकरून शिक्षण अधिक आनंददायी व प्रभावी बनेल.”

राज्यभरातील शिक्षकांना लवकरच एकसंध ड्रेसकोड लागू होणार असून, यासाठी शासन विशेष निधीची तरतूद करणार आहे. त्यामुळे शिक्षकही विद्यार्थ्यांप्रमाणे गणवेशात दिसणार असून शाळांमधील शिस्त आणि एकरूपता अधिक दृढ होईल, असा विश्वास शिक्षणमंत्र्यांनी व्यक्त केला.

Uniform will be mandatory for teachers in the state; Dada Bhuse’s announcement

महत्वाच्या बातम्या

YOU MIGHT LIKE