Ajmer Dargah : पंतप्रधान मोदी आज सायंकाळी अजमेर दर्गाला चादर पाठवणार!

केंद्रीयमंत्री किरेन रिजिजू ही चादर दर्गाकडे सुपूर्द करणार

विशेष प्रतिनिधी

नवी दिल्ली : अजमेरस्थित ख्वाजा मोईनुद्दीन चिश्ती यांच्या ८१३ व्या उर्सनिमित्त पंतप्रधान नरेंद्र मोदी आज संध्याकाळी केंद्रीय अल्पसंख्याक व्यवहार मंत्री किरेन रिजिजू आणि भाजप अल्पसंख्याक मोर्चाचे राष्ट्रीय अध्यक्ष जमाल सिद्दीकी यांना चादर सुपूर्द करतील.

केंद्रीय अल्पसंख्याक व्यवहार मंत्री किरेन रिजिजू अजमेर येथील ख्वाजा मोईनुद्दीन चिश्ती यांच्या दर्गाला पंतप्रधानांच्या वतीने चादर देऊन भेट देणार आहेत. अजमेरला पंतप्रधान मोदींकडून चादर पाठवण्याची ही 11वी वेळ असेल.

Manoj Jarange : तर मराठे रस्त्यावर उतरणार, मनोज जरांगे यांचा इशारा

दिल्लीतील दर्गाशी संबंधित विविध पक्षांना पंतप्रधान मोदींच्या हस्ते चादर सुपूर्द करण्यात येणार असून त्यासाठी एक शिष्टमंडळ दिल्लीहून अजमेरला जाणार आहे. या कार्यक्रमासाठी अल्पसंख्याक मंत्रालयाने तयारी सुरू केली आहे. दर्गा कमिटी, दर्गा दिवाण, अंजुमन सय्यद जदगन या संघटनांकडूनही नावे मागवण्यात आली आहेत.

राजस्थानमधील अजमेर येथील ख्वाजा मोईनुद्दीन हसन चिश्ती यांच्या ८१३ व्या उर्सला बुधवारी चंद्रदर्शनाने सुरुवात झाली. सुफी फाउंडेशनचे अध्यक्ष आणि अजमेर दर्गाचे अध्यक्ष हाजी सय्यद सलमान चिश्ती यांनी यावेळी जनतेला शुभेच्छा दिल्या.