विशेष प्रतिनिधी
मुंबई : Devendra Fadnavis राज्य शासनाने सेवा हक्क अधिनियमांतर्गत नागरिकांसाठी १०२७ सेवा अधिसूचित केल्या आहेत, त्यापैकी ५२७ सेवा सध्या ‘आपले सरकार’ पोर्टलवर उपलब्ध करण्यात आल्या आहेत. मात्र उर्वरित सेवा अद्यापही ऑनलाइन झाल्या नसल्याने मुख्यमंत्री देवेंद्र फडणवीस यांनी याकडे गंभीर दखल घेतली आहे. मंत्रालयातील मंत्रिमंडळ सभागृहात आयोजित विविध सामाजिक क्षेत्रांच्या वॉररूम बैठकीत त्यांनी प्रशासकीय विभाग प्रमुखांना स्पष्ट शब्दांत सूचना दिल्या की, ऑनलाईन सेवा उपलब्ध करण्यात दिरंगाई करणाऱ्या अधिकाऱ्यांवर दररोज ₹१००० चा दंड आकारण्यात यावा.Devendra Fadnavis
या बैठकीत आदिवासी विकास विभागाच्या योजनांपासून ते ‘आपले सरकार’ पोर्टलवरील सेवांचा आढावा घेण्यात आला. मुख्यमंत्री फडणवीस म्हणाले की, नागरिकांना जलद, पारदर्शक आणि विश्वासार्ह सेवा मिळाव्यात, ही शासनाची जबाबदारी आहे. त्यामुळे पोर्टलवर विविध विभागांच्या १३८ एकत्रित सेवा ३१ मे २०२५ पर्यंत आणि उर्वरित ३०६ अधिसूचित सेवा १५ ऑगस्टपर्यंत ऑनलाईन उपलब्ध करून देण्याचे आदेश त्यांनी दिले. यासाठी दिलेल्या कालमर्यादेत काम न करणाऱ्या अधिकाऱ्यांवर दररोजचा आर्थिक दंड आकारण्याचे निर्देशही मुख्य सचिवांना देण्यात आले असून, त्यासाठी लवकरच परिपत्रक जारी केले जाईल.
सेवा हक्क अधिनियमाच्या पुढील टप्प्यात कोणकोणत्या नव्या सेवा अधिसूचित करता येतील, याबाबतची माहिती १५ सप्टेंबरपर्यंत सादर करण्याची अपेक्षा व्यक्त करण्यात आली आहे. या सर्व ऑनलाईन सेवांची प्रमाणित तपासणी ‘महाआयटी’कडून करण्यात यावी, असेही निर्देश देण्यात आले आहेत. एका अर्जाद्वारे एकाच वेळी विविध योजनांचा लाभ मिळावा, यासाठी ऑनलाइन प्रक्रियेत आवश्यक बदल करण्याचाही प्रस्ताव बैठकीत मांडण्यात आला.
मुख्यमंत्री फडणवीस यांनी स्पष्टपणे सांगितले की, सरकारी सेवा म्हणजे नागरिकांचा हक्क आहे आणि त्या मिळवण्यासाठी त्यांना सरकारी दारात हेलपाटे मारावे लागू नयेत, हीच शासनाची जबाबदारी आहे. त्यामुळे ऑक्टोबर २०२५ पर्यंत महाराष्ट्रातील जास्तीत जास्त सेवा ऑनलाईन करण्यात याव्यात, यासाठी सर्व यंत्रणांनी मिशन मोडमध्ये काम करावे, असे आवाहनही त्यांनी केले. त्यांच्या या स्पष्ट भूमिका आणि सूचनांमुळे प्रशासकीय यंत्रणेला वेग येण्याची शक्यता आहे.
₹1000 fine per day for delay in services on ‘Aaple Sarkar’ portal – Chief Minister Devendra Fadnavis’ strict instructions
महत्वाच्या बातम्या
- Eknath Shinde : खुर्ची बदलली असली तरी विकासाचे विमान आणि इंजिनही तेच , एकनाथ शिंदे यांचे प्रतिपादन
- Mahagyandeep : देशातील पहिले डिजिटल शिक्षण पोर्टल ‘महाज्ञानदीप’ महाराष्ट्रात सुरू
- Kalakendra Artists : तमाशा व कलाकेंद्र कलावंतांच्या तक्रारी निवारणासाठी समिती, आशिष शेलार यांची माहिती
- NCW अध्यक्षा विजयाताई रहाटकर उद्यापासून हिंसाचारग्रस्त बंगाल दौऱ्यावर; मुर्शिदाबाद, मालद्यात जाऊन देणार पीडित कुटुंबीयांना आधार!!
