Devendra Fadnavis : एमआयडीसी वसाहत असलेल्या गावांना औद्योगिक नगरीचा दर्जा, मुख्यमंत्र्यांचे निर्देश

विशेष प्रतिनिधी

Mumbai News: महाराष्ट्र औद्योगिक विकास महामंडळाची (एमआयडीसी) वसाहत असलेल्या गावांना औद्योगिक नगरीचा दर्जा दिल्यास या भागातील विकास करता येईल. त्यामुळे अशा गावांना औद्योगिक नगरी देण्यासंदर्भात धोरण करण्याच्या सूचना मुख्यमंत्री देवेंद्र फडणवीस (Devendra Fadnavis) यांनी केल्या.

फडणवीस यांच्या अध्यक्षतेखाली आज सह्याद्री अतिथीगृह येथे एमआयडीसीची आढावा बैठक घेण्यात आली, ते म्हणाले की, औद्योगिक क्षेत्राचा विकास अधिक वेगाने करण्यासाठी अशा एमआयडीसी असलेल्या गावांना औद्योगिक नगरीचा दर्जा दिल्यास त्या गावांच्या विकासाबरोबरच संबंधित भागात मूलभूत सुविधा आणि पायाभूत प्रकल्पांचा विकास वेगाने होईल. त्याचप्रमाणे पाणीपुरवठा, रस्ते, वीज आणि इतर सुविधा सुधारणे यावर भर दिला जाईल. दावोसच्या जागतिक आर्थिक परिषद 2025 मध्ये एकूण 63 सामंजस्य करारावर स्वाक्षऱ्या झाल्या असून यातील 47 करार हे उद्योगाशी संबंधित आहे. यातील कंपन्यांना जमीन वाटपाचे काम पूर्णत्वास जात आहे. नवीन औद्योगिक क्षेत्रांसाठी भूसंपादनाची अधिसूचना प्रकाशित करण्यात येत आहे. ई-निविदा पद्धतीने महाटेंडर्स् पोर्टलवर 654 भूखंडाचे वाटप करण्यात आले असल्याची माहिती बैठकीत देण्यात आली.

Chief Minister : वैदिक गणितावर आधारित गुणवत्ता केंद्र सुरू करणार , मुख्यमंत्र्यांची माहिती

देवेंद्र फडणवीस म्हणाले, 100 दिवस कृती आराखड्यात दिलेल्या कार्यक्रमात महामंडळाने 3 हजार 500 एकर औद्योगिक भूखंड देण्याच्या उद्दिष्टांपैकी 2 हजार 346 एकर औद्योगिक भूखंड उद्योगांना वाटप करण्यात आले आहे. जमीन अधिग्रहणाचे 110 टक्के उद्दिष्ट पूर्ण केले आहे. बुटीबोरी येथे 5 एमएलडी सांडपाणी प्रकल्प कार्यान्वित झाला असून औद्योगिक सेवांच्या विनंती, तक्रारी आणि मंजुरीच्या अर्जाचे निराकरण करण्यात आले असल्याचे बैठकीत सांगण्यात आले.

या बैठकीला उपमुख्यमंत्री एकनाथ शिंदे, उपमुख्यमंत्री अजित पवार, उद्योग मंत्री उदय सामंत, मुख्यमंत्री कार्यालयाचे प्रधान सचिव अश्विनी भिडे, सचिव श्रीकर परदेशी, उपमुख्यमंत्री कार्यालयाचे अतिरिक्त मुख्य सचिव असीमकुमार गुप्ता, सचिव नवीन सोना, उद्योग सचिव डॉ. पी. अनबलगन, मुख्य कार्यकारी अधिकारी पी. वेलरासू, सहमुख्य कार्यकारी अधिकारी विजय राठोड आदी उपस्थित होते.

MIDC Colony Villages Status of Industrial Towns, Devendra Fadnavis Directive

महत्वाच्या बातम्या

Devendra Fadnavis : एमआयडीसी वसाहत असलेल्या गावांना औद्योगिक नगरीचा दर्जा, मुख्यमंत्र्यांचे निर्देश