टीसीएस बीपीओ प्रकरण: निदा खानचा अटकपूर्व जामीन फेटाळला, अटकेची टांगती तलवार

विशेष प्रतिनिधी
नाशिक: बहुचर्चित टाटा कन्सल्टन्सी sevicesTata Consultancy Services (टीसीएस) बीपीओ कार्यालयातील लैंगिक छळ आणि धार्मिक भावना दुखावल्याच्या प्रकरणात आरोपी निदा खान हिला मोठा धक्का बसला आहे. नाशिक जिल्हा सत्र न्यायालयाने तिचा अटकपूर्व जामीन अर्ज फेटाळून लावत कोणताही अंतरिम दिलासा देण्यास नकार दिला. त्यामुळे आता तिच्यावर अटकेची टांगती तलवार कायम असून, या निर्णयाविरोधात ती Bombay High Court मध्ये धाव घेण्याची शक्यता व्यक्त केली जात आहे.

देवळाली कॅम्प पोलिस ठाण्यात दाखल एफआयआरमध्ये बलात्कार, धार्मिक भावना दुखावणे आणि Scheduled Castes and Scheduled Tribes (Prevention of Atrocities) Act अंतर्गत विविध गंभीर कलमे लावण्यात आली आहेत. या प्रकरणात निदा खानवर पीडित महिलेला बुरखा आणि धार्मिक साहित्य देऊन धर्मांतरासाठी प्रवृत्त केल्याचा आरोप आहे. तसेच तिच्या मोबाईलमध्ये धार्मिक ॲप्स इन्स्टॉल करण्यास मदत केल्याचेही तक्रारीत नमूद करण्यात आले आहे.

• CM Devendra Fadnavis : धुळे व नंदुरबार जिल्हे भविष्यातील प्रमुख औद्योगिक केंद्रे बनणार, मुख्यमंत्री देवेंद्र फडणवीस यांची घोषणा

निदा खानच्या वकिलांनी न्यायालयात दावा केला की ती गर्भवती आहे आणि तपासात पूर्ण सहकार्य करण्यास तयार आहे. महाराष्ट्रात धर्मांतराविरोधात स्वतंत्र कायदा नसल्याने तिच्यावर गंभीर गुन्ह्यांची तरतूद लागू होऊ शकत नाही, असा युक्तिवादही करण्यात आला. मात्र, सरकारी पक्षाने या सर्व दाव्यांना जोरदार विरोध करत, आरोपीची पोलिस कोठडी आवश्यक असल्याचे ठामपणे मांडले.
दोन्ही बाजूंचे युक्तिवाद ऐकल्यानंतर अतिरिक्त सत्र न्यायाधीश के. जी. जोशी यांनी स्पष्ट केले की, प्रकरणातील आरोप गंभीर स्वरूपाचे आहेत आणि प्राथमिक तपासात आरोपीची भूमिका नाकारता येत नाही. त्यामुळे अटकपूर्व जामीन देण्यास नकार देण्यात आला.
फेब्रुवारी महिन्यात या प्रकरणाची सुरुवात झाली. एका स्थानिक राजकीय कार्यकर्त्याने तक्रार देत असा आरोप केला होता की, नाशिकमधील टीसीएस बीपीओमध्ये काम करणाऱ्या एका हिंदू महिलेवर इस्लामिक प्रथा पाळण्यासाठी दबाव टाकण्यात येत होता. या तक्रारीनंतर पोलिसांनी गुप्त चौकशी सुरू केली.
तपासादरम्यान काही पोलिस कर्मचाऱ्यांना ‘हाऊसकीपिंग स्टाफ’च्या वेशात कार्यालयात तैनात करण्यात आले होते. या अंडरकव्हर तपासातून काही महत्त्वाचे पुरावे मिळाल्याचा पोलिसांचा दावा आहे. तसेच, संबंधित कर्मचाऱ्यांमध्ये धार्मिक प्रभाव टाकण्याचा संघटित प्रयत्न होत असल्याचा संशयही तपास यंत्रणांनी व्यक्त केला आहे.
न्यायालयाच्या निर्णयानंतर निदा खानला कोणत्याही क्षणी अटक होऊ शकते. दरम्यान, तिचे वकील उच्च न्यायालयात दिलासा मिळवण्याचा प्रयत्न करणार असल्याचे संकेत आहेत. या प्रकरणामुळे कॉर्पोरेट कार्यालयांतील कामकाज, महिला सुरक्षितता आणि धार्मिक दबाव या मुद्द्यांवर नव्याने चर्चा सुरू झाली आहे.

TCS BPO case: Nida Khan’s anticipatory bail rejected, arrest looms