विशेष प्रतिनिधी
नागपूर: सोशल मीडिया आणि यूट्यूबवर कडक नजर आहे. व्हिडिओंच्या प्रसारणामुळे समाजात तेढ निर्माण होऊ नये, म्हणून अशी सामग्री पोस्ट करणे टाळले पाहिजे. कोणाचीही अप्रतिष्ठा केल्यास कायद्याने कारवाई होईल, असा इशारा नागपूरचे पोलीस आयुक्त रवींद्र कुमार सिंघल यांनी पत्रकार परिषदेत दिला.
सिंघल म्हणाले, यूट्यूब, फेसबुक, इंस्टाग्रामसारख्या प्लॅटफॉर्मवर पोलिस यंत्रणा सक्रियपणे नजर ठेऊन आहे. समाजात वाद निर्माण करणाऱ्या व्हिडिओ, पोस्ट किंवा टिप्पण्यांवर कडक कायदेशीर कारवाई होणार आहे. अनेक यूट्यूब चॅनेल्सवर कारवाईची प्रक्रिया सुरू आहे.
नागपूर हिंसाचाराच्या घटनेनंतर आतापर्यंत ११४ पेक्षा अधिक लोकांना अटक करण्यात आली आहे. १३ एफआयआर दाखल करून संबंधितांविरोधात खटले सुरू केले आहेत. “गुन्हेगार कोणत्याही जातीचा किंवा धर्माचा असला, तरी त्याला कडकपणे हाताळले जाईल,” असे सिंघल यांनी सांगितले.
नागपूर येथे पंतप्रधान नरेंद्र मोदी यांच्या आगामी दौऱ्यासाठी सुरक्षेच्या तयारीत कोणतीही तडजोड केली जाणार नाही, असे पोलिस आयुक्तांनी स्पष्ट केले. शहरातील सर्व संवेदनशील ठिकाणी अतिरिक्त पोलीस तैनाती केल्या आहेत. दौऱ्यादरम्यान कोणत्याही प्रकारच्या गैरसोयी टाळण्यात आल्या आहेत,” असे त्यांनी नमूद केले.
हिंसाचार घटनेला सात दिवस झाले असून, सध्या शहरातील परिस्थिती पूर्णपणे नियंत्रणात आहे. येत्या काळातील धार्मिक सणांदरम्यान सुरक्षेच्या दृष्टीने विशेष योजना राबविण्यात येणार आहे. अवैध बांधकामे, गैरकायदेशीर गटांच्या कारवायांवरही नियमित कारवाई सुरू आहे.
पोलीस आयुक्तांनी सर्व नागरिकांना सूचना दिली की, “सोशल मीडियावर भडकाऊ माहिती शेअर करणे टाळा. कायद्याच्या हाती लागल्यास गंभीर परिणाम भोगावे लागू शकतात.”
Nagpur Police keeps a close watch on social media, 114 people arrested, 13 FIRs filed
महत्वाच्या बातम्या
- Narayan Rane : नारायण राणे म्हणाले, दोन्ही पुत्र कर्तृत्ववान, मला माझ्या दोन्ही मुलांची घमेंड
- Supriya Sule : बायकोच्या आड लपतो आणि सगळे उद्योग करतो, आणखी एक मंत्र्याचा बळी जाणार असल्याचा सुप्रिया सुळे यांचा गौप्यस्फोट
- Purandar Airport, : पुरंदर विमानतळासाठी एक पाऊल पुढे, सात गावांमधील क्षेत्र औद्योगिक म्हणून जाहीर
- Jayakumar Rawal : मंत्री जयकुमार रावल यांनी शासनाची फसवणूक करून दोन कोटी 65 लाख रुपये लाटले, अनिल गोटे यांचा आरोप
